Gandeir@s da Fonsagrada
A Asociación de Gandeiros A Fonsagrada (ASGAFON) nace da unión de varias familias gandeiras no 2007 para traballar en conxunto e dar un impulso ás nosas granxas da montaña, profesionalizando a súa xestión e favorecendo a súa sostibilidade.
Na actualidade somos máis de 100 socias e socios que temos as nosas vacas pastando en liberdade. A actividade agrogandeira é o noso principal modo de vida.
Garantir o futuro do rural
Un dos fins principais de ASGAFON é fomentar o desenvolvemento sustentable no medio rural, mellorando as condicións sociais, económicas, laborais, medioambientais e incluso emocionais da vida no campo.
No marco desta Asociación traballamos en proxectos de comercialización directa e transformación dos nosos produtos; realizamos compras conxuntas para poder ser máis competitivos e innovamos no sector agrícola e gandeiro mantendo un manexo do gando tradicional e respectuoso co medio e a paisaxe da que formamos parte.
Esta tamén é a nosa pequena contribución desde A Fonsagrada, á loita contra o despoboamento, creando oportunidades e calidade de vida no rural. Sen renunciar a nada, sen que nos fagan marchar.
#somosASGAFON
Asóciate
Traballamos en rede para conseguir un sector agrogandeiro máis profesionalizado, mellorar as nosas ganderías e a calidade de vida dos nosos socios e socias.
Novas
Son de Lugo, a rede dos pequenos produtores da provincia de Lugo
Gandería en extensivo: o noso modelo de cría tradicional
Os nosos produtos
