Faite socio ou socia
Ser membro da Asociación de Gandeiros A Fonsagrada é unha oportunidade única para unirse a outros profesionais e pequenos produtores con intereses e obxectivos similares.
A través da cooperación, o traballo en rede e a profesionalización, conseguimos mellorar a calidade de vida e os beneficios das nosas ganderías familiares da montaña.
Asociarse para continuar avanzando
Ano a ano, ASGAFON vai medrando e ampliando os seus servizos en función das demandas e necesidades das persoas asociadas.
Temos o firme convencemento de que asociarnos é o mellor camiño. Nestes máis de quince anos de traxectoria, en ASGAFON formamos unha comunidade, compartimos valiosos recursos e contamos cun equipo de traballo dedicado a defender os intereses do rural.
Tipos de socio/A
É posible asociarse a ASGAFON tanto se estás pensando en incorporarte á actividade agrogandeira como se xa levas tempo no sector. Como non todas as persoas socias teñen as mesmas necesidades, temos diferentes opcións para incorporarse á asociación.
TIPO 1
- Compras e vendas en conxunto.
TIPO 2
- Compras e vendas en conxunto.
- Solicitude da PAC.
TIPO 3
- Compras e vendas en conxunto.
- Solicitude da PAC.
- Entidade identificadora.
- Aconsellamento integral: caderno de explotación, gandería convencional, gandería ecolóxica, ecorrexímenes, razas autóctonas, lobo, apicultura, viticultura, condicionalidade reforzada...
- Xestión de axudas: creación de empresas, incorporación de persoas mozas ao sector, apoio á inversión en actividades agrícolas (plans de mellora), desenvolvemento de pequenas empresas produtoras...
- Plans de fertilización. Analíticas de solo, auga e pensos.
- Cursos de formación e seminarios.
- Asesoramento e tramitación de todo tipo de axudas vinculadas ao rural.
A nosa sede e núcleo central está na Fonsagrada, pero temos asociados de diferentes municipios tanto de Galicia como de Asturias, que reciben distinto tipo de asesoramento.
Se algunha das cousas que explicamos na nosa web che parece interesante, podes poñerte en contacto con nós sen compromiso.